Feira do Voluntariado A Coruña

O encontro, organizado en colaboración co Banco de Alimentos Rías Altas, reunirá o sábado 25 e o domingo 26 de marzo a numerosas entidades de voluntariado da cidade de diversa natureza: ambiental, cultural, comunitario, social, deportivo, internacional, de lecer e tempo libre, protección civil e socio-sanitario.

Baixo o lema ‘Ven coñecernos‘, a Feira do Voluntariado estará aberta no Parrote o sábado 25 de 11.00 a 14.30 e de 16.30 a 20.00 horas, e o domingo 26, só en horario de mañá, de 11.00 a 14.30 horas. As entidades participantes darán a coñecer o seu labor de voluntariado mediante charlas e obradoiros, e tamén haberá actuacións musicais nunha dobre xornada aberta ao público xeral.

PROGRAMA JORNADAS VOLUNTARIADO GAL

Previamente, o venres 24, terá lugar unha xornada técnica sobre voluntariado corporativo no auditorio de Afundación Obra Social ABANCA, que inaugurará a alcaldesa, Inés Rey, e contará co apoio e a participación de AFundación, Vegalsa e We Sustainability.

A xornada dará comezo ás 9:30h da mañá e contará con varias charlas sobre experiencias de voluntariado corporativo na cidade e unha mesa redonda final, rematando ás 13:00h. Para a vosa información, xunto a este correo enviamos un programa detallado.